احمد حسام ميدو يكشف عن الحالة الصحية لشيكابالا

حرص الإعلامي أحمد حسام ميدو، على كشف آخر التطورات الخاصة بالحالة الصحية لـ محمود عبد الرازق شيكابالا قائد الفريق الأول لكرة القدم بنادي الزمالك.

وأكد ميدو في تصريحات تليفزيونية شيكابالا لما الفريق رجع من تونس، شعر بتعب وأعراض شبيهة بالكورونا ولما عمل التحليل، لقى في زيادة في الالتهابات اللي موجودة جوا جسمه فعمل المسحة الخاصة كورونا وطلع سلبي لكن عنده كل الأعراض الخاصة كورونا ومن يومها شيكابالا لم يخرج من البيت.

أضاف شيكابالا انهاردة تم الحصول منه على تحليل دم، ونسبة الالتهابات قلت ورجعت لطبيعتها، وهو حاسس إنه بقى أحسن، لكن لازم ياخد وقته في العودة، الاستعجال ممكن يجيب نتيجة عكسية”.

وتابع أنا لسه متكلم مع شيكابالا وهو الحمد لله كويس وده اللي أكده لأهله في أسوان وجماهير الزمالك.

واختتم قائلا أهل شيكابالا في أسوان مش مصدقين إن الخبر اللي انتشر عبر قناة الزمالك، عن إصابة شيكابالا ده مش صحيح، وقلقانين على شيكابالا جدا، كل ده من خبر غلط على قناة نادي الزمالك، لازم المنصة الرسمية تكون مصدر دعم مش ضغط.