محمد عواد يكشف كواليس صدامه مع إمام عاشور

عبر حارس مرمى نادي الزمالك، محمد عواد، عن استيائه الشديد من سلوك نجم الأهلي المصري، إمام عاشور، خلال مباراة كأس السوبر الأفريقي.

قال محمد عواد في تصريحات عبر قناة أون تايم سبورتس 1: “حصل مناوشات بيني وبين إمام عاشور في المباراة، أنا ممكن أعاتبه لأني بعتبره أخويا الصغير”.


وأضاف: “لا أريد الحديث عن أمور فنية تخصه، إمام ليس لاعباً موجود حالياً في النادي، واللي حصل كان في نفس توقيت ضربة جزاء الأهلي، وأنا بقول كدة لأني بحب إمام”.

وأكمل: “أنا مغلطتش فيه ولا عملت حاجة مش كويسة، أنا بحترمه وبحبه، لكن حصلت حاجات في الملعب محبتهاش منه، وعلى المستوى الشخصي أنا بحبه جداً”.

وتعليقاً على مشادة إمام عاشور ودونغا، قال عواد: “أنا مش بحب اللاعيبة اللي بتكون بره الملعب علاقتهم كويسة ببعض، وقدام الجمهور تروح في حتة تانية، احنا بنسميها اللقطة قدام الناس، أنت هتفضل صاحبي وحبيبي ونتنافس في الملعب، وبمجرد المباراة ما تنتهي خلاص كسبان وخسران”.